Sherqiy Türkistan Maarip we Hemkarliq Jemiyiti Quruldi

  Istanbuldiki Sherqiy Türkistanliq jama'etning etrapliq hazirliqliri hemde Türkiyening Qeyseri, Enqerediki Sherqiy Türkistan medeniyet we hemkarliq jemiyitining yéqindin qollishi arqisida "Sherqiy Türkistan Maarip we Hemkarliq Jemiyiti" Türkiye hökümiti teripidin testiqlinip 2006-yili 5-ayning 24-küni İstanbul shehride resmi quruldi we échilish murasimi ötküzdi.

 Maarip jemiyiti İstanbul kona sheher rayoni Fatih nahiyisidiki merkizi kochilardin "millet  yoli" boyidiki 'Gülshen olturaq binasi'ning 5-we 6-qewetlirige jaylashqan bolup, künde nechche tümen yoluchi kök bayraqni körüp ötidu.

 "Sherqiy Türkistan Maarip we Hemkarliq Jem'iyiti" ning reisi Atawullah Shahyar échilish murasimida jemiyetning qurulush jeryani, meqsidi, ghayisi toghrisida yighin ishtirakchilirigha bayanat berdi. Atawullah Shahyar maarip jemiyitining teshkili ishlirida bashtin axir yéqindin qollap kelgen Seyit Tümtürk bashliq Qeyseri wekillirige we Xeyrullah Efendigil bashliq Enqere wekillirige hemde İstanbul sheherlik hökümetke, teshkilarlargha, Uyghur,Qazaq köchmenlerge, Türk qerindashlargha chin könglidin rexmet eytti.

  Sherqiy Türkistan maarip we hemkarliq jemiyitining bir qisim idare heyet ezaliri.

Murasimgha Qeyseri we Enqerediki Sherqiy Türkistan medeniyet we hemkarliq jemiyiti ezaliri, İstanbuldiki Sherqiy Türkistan teshkilat wekilliri, diniy zatlar, ölimalar, ziyalilar, kochmenler hemde Türkiyelik qerindashlar qatnashti we tebrikleshti.

Sherqiy Türkistan Maarip we Hemkarliq Jemiyiti toghrisidiki paaliyetler we xewerlerni töwendiki internet sehipisidin körsingiz bolidu:

http://www.maariponline.org/

 Maarip jemiyiti qurulghandin beri jiddiy heriketke kélip kitap, jornal, teshwiqat waraqliri neshr qilip Sherqiy Türkistanliq köchmenler we yash-ösmürlerge tarqitip, wetenperwerlik terbiyisi, güzel exlaq terbiyisi, diniy sawat qatarliq bilen yash ewladlarni terbiyileshni bashliwetti. Bundin kéyin tor betimizde maarip jemiyitining paaliyetlirini herxil til-yéziqta xewer qilip turimiz. 

  Sherqiy Türkistan maarip we hemkarliq jemiyitidiki diniy ölimalar, ziyalilar, wetenperwer qérindashlar jemiyet qurulghandin béri türlük qiyinchiliqlarni yéngip, japaliq emgek singdürüp milliy en'ene, örp-adet, diniy telim terbiye, exlaq terbiyisi we wetenperwerlik terbiyisini öz ichige alghan "Köngüldiki mehman", "Ayallarning jennettiki ehwali", "Kélinglar, Allahning söygü déngizigha shung'ghup kéteyli!", "Ramizandiki bir kün", "Zikriler" qatarliq kitap-qollanmilarni hazirlap we neshir qilip Türkiyediki we etraptiki Sherqiy Türkistanliq muhajirlargha tarqitip qizghin alqishqa we qollashqa érishti. Barliq Sherqiy Türkistanliq muhajirlirining maarip jemiyitining xizmetlirini yéqindin qollishini hemde iqtisadiy we rohi jehettin yardem bérishini soraymiz. Maarip we hemkarliq jemiyitining adresi:

Ördek Kasap Mahallesi. Millet Caddesi Gülşen Apt. No: 108 D:5

Çapa Fatih - İstanbul / Türkiye
Tel: +90-212-523 28 77     Fax: +90-212-523 28 76
E-mail: info@maariponline.org

Hörmet bilen:

Qaraxan

2006-yil 10-ayning 20-küni

 Maarip jemiyiti bundin kéyinki nishani toghrisida töwendikilerni deslepki qedemde jakalaydu:

  20-Esirning bashlirida Sherqiy Türkistan xelqining échinishliq ehwalini körüp, weten-millet kelgüside duch kilidighan pajieni aldinela sezgen büyük mutepekkur alimimiz Abdulqadir damollam shundaq bir soal qoyghan idi:
Milletning xar we zebun bolishigha bais (seweb) némidur?
Jawab: Ikki nersidur: 

 Biri bilimsizlik we nadanliq , biri itipaqsizliq we tepriqichilik .
Ilim - pen yüksek pellige örlewatqan bügünki künde, zamanning ötishi bilen emiliyet we heqiqet bu sözning "enggüshter" xarektirlik bir söz ikenligini ispatlimaqta.

Nöwette, yer yüzide zorawanliqning yangrishi, adaletsizlikning yuqiri pellige chiqishi we milletlerde irqiy ayrimichiliqning ewj élishi , millitimizning özige qaytishning neqeder zörürligini teqezza qilmaqta . Buning birdin- bir yoli shanliq ejdadimizgha warisliq qilghan asasta bilim élish , birlishish we hemkarlishishtur.

Bu his-tuyghugha ige millet perzentliri, bu xizmetni yalghuz qilishning qiyin ikenligini tonup yétip, bir yerge jem bolup, 2006-yili 5-ayning 24-küni Istanbul shehiride bu jemiyetni qanunluq halda qurup chiqti.

Jemiyitimiz, weten ichi - sirtidiki xelqimizning maddi we meniwi éhtiyajigha eng lazim dep qaralghan sahede xizmet élip baridu.

Nöwette, xelqimizning ang - sewiyisini ashurush, birlik - itipaqliq rohini kücheytish we kelgüsi ewladning eng yaxshi yétilishi üchün lazim bolghan telim - terbiye we teshwiqat xizmiti élip baridu , shu jümlidin :

1.Muhajirettiki qérindashlirimiz arisida inaq - itipaqliqni yükseldüridighan paaliyetler orunlashturush.
2.Alaqidar jemiyet we mektepler bilen alaqiliship, oqughuchilargha qolayliq oqush sharaiti hazirlap bérish we mektep püttürgünlerning xizmet qiyinchilighini hel qilishqa hemkarlishish.
3.Xelqi üchün xizmet qilish arzusi bar weten ichi we sirtidiki oqughuchilarda pikir birligi hasil qilish üchün küresh qilish .

4.Xelqning étiqadi, güzel exlaqi we milli en’enilirining bulghinishining aldini élish üchün paydiliq kitap we maqalilarni hazirlap neshr qilish .
Jemi’itimiz , asarettiki Sherqiy Türkistan xelqini zulumdin qutuldurush üchün islam dinining rohigha uyghun , wetenning emeliy sharaitigha muwapiq her türlük paaliyetlerni élip baridu .
Jemiytimiz , weten ichi we sirtidiki weten üchün xizmet qilish qizghinliqi bar, étiqadi saghlam her bir türkistanliqni jemiytimizge eza bolush salahiytige ige dep , qaraydu
 

Sherqiy Türkistan Maarip we Hemkarliq Jemiyiti

2006-yili 9-ayning 30-küni

www.turkistanim.org

E-Mail: uyghur@turkistanim.org