Xitay Hökümitining Rabiye Qadir Xanımnıng Perzentlirige Dölet Terrorliqi Yürgüzgenliki Munasiwiti Bilen Chetellerdiki Xitay Elchixaniliri we Konsulxaniliri Aldida Naraziliq Namayishi Ötküzüldi

  2006-yili 6-ayning 9-küni Türkiyediki Sherqiy Türkistan medeniyet we hemkarliq jemiyiti, Türkistan futbol kulubi, yéngidin qurulghan Sherqiy Türkistan yashlar teshkilati qatarliqlarning teshkillishi bilen Sherqiy Türkistanliq köchmenler xitayning İstanbuldiki bash konsulxanisi aldida namayish ötküzdi.

  9-iyun küni Sherqiy Türkistan medeniyet we hemkarliq jemiyiti Enqere shöbisining muawin reisi Abdullah Aqyol,Türkistan futbol kulubining mes'uli Mehmet Dönmes, İstanbulda yéngidin qurulghan Sherqiy Türkistan yashlar teshkilatining reisi Tibet Yüjetürk qatarliqlarning bashchiliqida Sherqiy Türkistanliqlar xitay tajawuzchilirining dölet terrorliqigha qarshi namayish qildi.

  Xitayning bash konsulxanisi aldida Türkistan futbol kulubining mes'uli Mehmet Dönmes ependi Rabiye Qadir xanimning bigunah perzentlirini tutqun qilip görege alghanliqini qattiq eyiplidi we derhal qoyuwetishni telep qilip, muxbirlargha bayanat elan qildi.

  Namayishchilar ay-yultuzluq kök bayraqni igiz kötürüshüp jarangliq awazda "Tajawuzchi xitaylar, Sherqiy Türkistandin yoqal!", " Terrorist qizil xitay, Sherqiy Türkistandin yoqal!", "Sherqiy Türkistan'gha musteqilliq!", "Ya Allah, Bismillah, Allahu Ekber!"-qatarliq shoar we tekbirlerni towliship xitay terrorchilirigha bolghan ghezep-nepritini namayen qildi.

  Xitay tajawuzchilirining Sherqiy Türkistanda Uyghur xelqige dölet terrorliqi yürgüzüp, bigunah qérindashlirimizni qolgha élip türmilerde qiynap öltüriwatqanliqi we mal-mülükliridin mehrum qilip éghir zulum qiliwatqanliqini namayishchilar eyiplidi.

  Türkiyening TRT, TGRT, ATV qatarliq televiziye istansiliri we gezit-jornal idariliri muxbirliri namayishni bashtin-axir süretke aldiwe namayishchilarni ziyaret qildi.

  Namayishchi yashlar xitay tajawuzchilirigha bolghan küchlük ghezep-nepritini namayen qilip shoarlar towlidi we tekbir eytishti. Namayishqa ayallar we ösmurlermu qatnaship xitay tajawuzchilirigha bolghan nepritini ipadileshti.

  Sherqiy Türkistan medeniyet we hemkarliq jemiyitining Qeyseridiki bash shitabi we Enqere shöbisidikiler 6-ayning 9-küni xitayning Enqerede turushluq bash elchixanisi aldida naraziliq namayishi ötküzdi.

  Xitayning Enqerede tutushluq bash elchixanisi aldida Seyit Tümtürk we Xeyrullah Efendigiller xitay terrorchilirining Rabiye Qadir xanimning perzentliri we Sherqiy Türkistanda dölet terrorliqi bilen tutqun qilinghan minglighan "siyasi mehbus"larni derhal qoyuwétish heqqide xitaygha ghezep bilen xitap qildi.  

  Sherqiy Türkistan medeniyet we hemkarliq jemiyitining reisi Seyit Tümtürk we Enqere shöbe bashliqi Xeyrullah Efendigiller xitay bash elchixanisining qara derwazisigha ularning depne murasimi üchün qara chembirek teqdim qildi.

  Dunya Uyghur qurultiyining teshkillishi bilen Germaniyediki ning Myunxen shehride turushluq xitay bash konsulxanisi aldida naraziliq namayishi ötküzüldi.

  Xitayning Myunxendiki bash elchixanisi aldida ötküzülgen namayishta namayishchilar ay-yultuzluq kök bayraqlarni igiz kötürüshüp "Yoqalsun Xitay mustebitliri!, Siyasiy mehbuslar qoyup berilsun! Alim Abdurehim qoyup berilsun! Ablikim Abdurehim qoyup berilsun! Toxti Mozart qoyup berilsun! Nurmuhemmet Yasin qoyup berilsun! Abdugheni Memetimin qoyup berilsun! Eysa Hüsen qoyup berilsun! Pütün siyasi mehbuslar qoyup berilsun! Rabiye Qadir ailisige qaritilghan görege elsih, terorluq heriketler toxtutulsun!.." digen shoarlarni jarangliq towlap, Xitay konsuli aldini lerzige saldi. Yuqurida ismi atalghan bigunah tutqunlarning chongaytilghan resimliri igiz kötürüp, xitay hökümitining zorawanliq qilmishlirini qattiq eyiplidi. Bu namayish Germaniyening Muyinxen shehride ötküzülgen dunya putbol lonqisini talishish tenherket yighining echilish murasimi bilen oxshash bir waqitqa toghra kelgechke, kishilerning alahide diqet-étibarini qozghidi.

  Dunya Uyghur qurultiyining chaqiriqigha awaz qoshup, Gollandiye Sherqiy Türkistan wexpisining teshkillishi bilen Gollandiyediki Sherqiy Türkistanliq köchmenler we Türk qérindashlar Gollandiyening Denhaag xeheride Xittay elchixanisi aldigha yighilip xitay hökümitining Rabiye Qadirning ballirini göröge alghanlighigha naraziliq bildürüp namayish ötküzdi.(axiridiki 3 parche resim DUQ ning tor betidin élindi)
 

Qaraxan

2006-yili 6-ayning 9-küni