İstanbul Körgezme we Qurultay Merkizide Türk Dunyasi Konsert Kéchiliki Ötküzüldi

  8-Ayning 12-küni İstanbul waqti 19:00 -23:45 kiche İstanbul körgezme we qurultay merkizide Türk dunyasi konsert kéchiliki ötküzüldi. Bu konsertni Sherqiy Türkistan medeniyet we hemkarliq jemiyiti, Kök Bayraq jornili İstanbul wekili we İstanbul Türkistan tenheriket kulubi qatarliq orunlar teshkilligen bolup, İstanbuldiki Sherqiy Türkistanliq köchmenler we Qeyseridin kelgenler bolup 40 kishi hemde İstanbulluq Türk qerindashlar qatnashti. Türkiye büyük birlik partiyisining bash sékirtari Muhsin Yazichi oghli, bir qisim ministirler we İstanbul shehrining alaqidar rehberliri hemde İstanbul sheher ahalisidin 500 ge yeqin kishi konsertqa ishtirak qildi. Qeyseridin 1000Km gha yéqin yol bésip konsertqa kelgen Uyghur qizi "Biz kim?" namliq Türkche she'irni deklimatsiye qilip konsert ishtirakchilirining alqishigha muyesser boldi.

  Sherqiy Türkistan medeniyet we hemkarliq jemiyiti, Türkistan tenheriket kulubi we Sherqiy Türkistanliq köchmenlerge wakaliten Mehmet Dönmez Türkiyening dangliq naxshichisi Mahsun Kırmızıgülge ton kiygüzdi.

  Mehmet Dönmez ependi Türkiye büyük birlik partiyisi(BBP)ning bash sékirtari Muhsin Yazichi Oghligha Sherqiy Türkistanning dölet bayrighini teqdim qildi.

  Ay-yultuzluq kök bayraqni xoshalliq bilen tapshurup alghan Muhsin Yazichioghli Sherqiy Türkistan dawasining pütün türk millitining milliy dawasi ikenligi, shunga bashtin axiri qollaydighanliqini bildürdi.

  Muhsin Yazichioghligha Qeyseride neshr qilinidighan "Kök Bayraq" jornilimu teqdim qilindi.

  Türkiyening Kanal A Televiziye istansisi 12-awghust ötküzülgen Türk dunyasi konsert kéchilikini neqmeydandin sun'i hemra bilen dunyagha xewer qildi.

  Türkiyening dangliq yash naxshichisi Mahsun Kırmızıgül sehnide Türk xelq naxshilirini wayigha yetküzüp oqughandin sirt, Sherqiy Türkistan xelqi chékiwatqan zulum-külpetlerni zaldiki we televizor ekrani aldidiki tamashabinlargha jarangliq awazliri bilen yetküzdi.

  Konsertte Mahsun Kırmızıgüldin bashqa senetchilermu Uyghurche,Türkche mungluq, jenggiwar naxshilarni yangritip tamashabinlarning qizghin alqishigha érishti.

  Sherqiy Türkistanning dölet bayriqi Türkiyening televizor ekranlirida yene bir qetim simasini namayen qildi.

  İstanbul Atatürk ayrudurumi yenigha jaylashqan 10 ming kishilik bu sarayda Sherqiy Türkistan medeniyet we hemkarliq jemiyitining tirishchanliqi, İstanbul sheherlik hökümettiki rehberlerning qollap quwwetlishi arqisida konsert muweppeqiyetlik ötküzüldi. Konsertqa kelelmigen Sherqiy Türkistanliqlar we sheher ahalisi televizor ekranliridin neq meydan ehwalini tamasha qildi.Bu konsert Sherqiy üchün mexsus orunlashturulghan bolup, Sherqiy Türkistan mesilisini Türkiyede téximu kengeytish üchün yaxshi purset boldi. Sherqiy Türkistan medeniyet we hemkarliq jemiyiti reisi Séyit Tümtürk, Xeyrullah Efendigil, Kök Bayraq jornilining İstanbul wekili, Türkistan tenherikjet kulubi bashliqi  Mehmet Dönmez, Kök Bayraq jornili muherriri Tursun Süydung we Türkiyening siyasi partiye hemde hökümet rehberliridin Allah razi bolsun.

Qaraxan

2006-yili 8-ayning 12-küni

http://www.turkistanim.org

E-Mail: uyghur@turkistanim.org