1-Öktebir - Xitaygha Toy, Sherqiy Türkistan'gha Matem  

  Sherqiy Türkistanning paytexti Ürümchide 1-öktebir küni xitay tajawuzchilar hökümiti qurulghanliqining 56 yilliqi we Sherqiy Türkistanni ishghal qilip aldamchi, köz boyamchi, mushterik Uyghur aptonom rayon tesis qilghanliqining 50 yilliqi munasiwiti bilen deb-debilik tebriklesh murasimi ötküzdi.(Xitayche Tengritagh tor betige qarang) http://www.tianshannet.com.cn/GB/channel59/924/index.html

  1-öktebirdiki bu tebriklesh paaliyetliri xitay tajawuzchilar hökümiti teripidin aldin pilanlinip orunlashturulghan bolup, Beijing hökümiti "dölet bayrimi" dep atilidighan süyiqest bilen tajawuz qilishta ghalip kelgenlikini namayish qilish, hökümranliqi astidiki Uyghur, Tibet, Mong'ghul, Manju qatarliq milletlerge tehdit selish,özlirige sadiq bolghan ghalchilar we yat millettin bolghan xa'inlargha medet berish üchün 1-öktebirdin ilgiri burun tutqun qilinip qoyup berilgenlerni, könglide xitay tajawuzchiliri we ularning mustebit hakimiyitige, qirghinchiliq, éghir milliy zulum, bulangchiliqqa qarshi turghan we qarshi turush éhtimali bolghan mezlum xelqni qara-qoyuq qolgha élip türmilerge tashlighandin keyin, Sherqiy Türkistanning yéza-qishlaqliridin sheherlirigiche, idare-jemiyetlerge, ötenglerge, sheher etraplirigha  kéche-kündüz nazaretni kücheytip, tajawuzchi armiye, herxil namlar bilen niqaplan'ghan qoralliq saqchilar, sadiq kadirlarni qarawulluqqa qoyup, andin buküni tang seherdin bashlap aptpnpm rayonluq partikom binasi jaylashqan Ürümchidiki "xelq meydani" dep atilidighan meydanda xitay chériklirining seperwer qilinishi bilen debdepilik bayraq chiqirish we tebriklesh murasimini ötküzüshti.Düshmenning bu tebriklesh murasimigha wetinimizge bizni öltürüsh üchün kelgen "xitay xelq azatliq armiyisi"-dep atilidighan tajawuzchi qoshun, ularning arqa sep we zapas qoshuni bolmish "bingtüen"-dep atilidighan goroh qoshun, qoralliq saqchilar gorohi, tajawuzchilar achqan bulangchiliq goroh shirketliri, aptonom rayonluq we yerlik qorchaq hökümet wekilliri, xitay tajawuzchi ahalisi siyasi wezipe süpitide qatnashti.

  Xitay kokmunistik partiyisi Sherqiy Türkistan'gha bolghan mustebit hökümranliqining ömrini uzartish, xelqimizni aldash we qorqutush, xelq'arada burmilan'ghan jama'et pikri peyda qilish üchün, Ürümchidiki kochilarni ala-yéshil boyap, "xitay tajawuzchiliri" digen sözning ornigha " her millet xelqi"-digen sözni qollunup wiwiskilarni hazirlap, xitay tajawuzchi ahalisi we  chetelliklerge teshwiq qilip özlirining tajawuzchiliq, bulangchiliq mahiyitini yoshurup Sherqiy Türkistanni "xitayning bir rayoni" qilip körsitish üchün paypétek bolushqan.

  XKP merkizi komiteti, xitay xelq qurultiyi daimiy komiteti, xitay bash ministirliki, xitay xelq siyasi meslehet kéngishi,xitay merkizi herbi ishlar komiteti qatarliq orunlar mushterik Uyghur aptonom rayoni qurulghanliqining 50 yilliqini tebriklep telegramma we Logen digen komunist xitay bashchiliqida wekiller ömiki iwertken. Bu wekiller ömiki wetinimizdiki XKP ge sadiq xitay emeldar, saqchi we bizning ichimizdin chiqqan xain, munapiq qorchaq muawin emeldarlarni ilhamlandurush üchün "qimmetlik dangqan"-dep at qoyulghan bir ghelite siyasi siyasiy sowghini elip kelip qorchaq hokümetke teqdim qilghan. Ürümchidiki qorchaq re'is İsmayil Tiliwaldi bashliq emeldarlar bu sowghidin bek xursen bolghanliqini namayen qilish we Beijing terrorchilar hakimiyitige sadiqliqini ipadilesh üchün dangqan aldida teshekkurname oqup ötken we xatire süretke chüshüp xitay merkizi axbarat agentliqi arqiliq pütün dunyagha élan qilghuzghan.

Üch putluq ghelite siyasiy dangqan aldigha tizilghan wetinimizde qan ichiwatqan xitay qatil kattibashlar hemde bash satqunlarning körünüshi.

 Xitay tajawuzchiliri Sherqiy Türkistan'gha qilghan süyiwestlik tajawuzining ghelibisi we uni bügünki kün'ge qeder dawamlashturup kelgenlikini xatirilesh üchün wetinimizde tesis qilghan qoralliq xitaylar gorohliri, her qaysi wilayetlerde tesis qilghan qorchaq hökümet wekilliri we  tajawuzchi hakimiyetning qutritishi, qollishi hemde yéshil chiraq yéqip bérishi netijiside wetinimizge qanunsiz, emma ongushluq kiriwalghan xitay tajawuzchilar ahalisini teklip qilip 1-öktebirdiki tebriklesh murasimini ötküzgen. 1-öktebir küni seherde Ürümchidiki XKP komiteti binasi aldidiki xelq meydanigha xitayning qan purap turidighan bayriqini chiqirish murasimini körgili barghan xitay tajawuzchilargha qarang(töwendiki resim). Xitay chetellerge we xitay ichide "Uyghur aptonom rayoni qurulghanliqining 50 yilliqini her millet xelqi qizghin tebriklidi"-dep jenining bériche köz boyamchiliq bilen teshwiq qilghan bilen emeliyette "her millet xelqi" digen atalghuni süyiistimal qilip xitaylarni dewatqanliqini körüp alalaymiz.

 Qorchaq re'is İsmayil Tiliwaldi chetelliklerge we murasimgha qatnashqanlargha bu 50 yil mabeynide alahide tereqqiyatlarni qolgha keltürgenlikini, bu muweppeqiyetlerning XKP ning sayiside qolgha kelgenlikini, "her millet xelqining barghanseri béyip, bextlik bolup ketkenligi" ni bayan qilip ötken.

 Yuquri soldiki resim Ürümchidiki xitayning qan purap turidighan bayriqini chiqirish murasimi.Ongdiki körünüsh bolsa Ürümchidiki "xelq sariyi" dep atilidighan zalda xitay pahishe ertistlerning sehnide orunlighan "buzuqchiliqqa dewet we deslepki muweppeqiyetler" namliq nomur. Bu nomurni Beijingdin kelgen Logen bashchiliqidiki wekiller ömigi, İsmayil Tiliwaldi, İsmayli Exmet, Ablet Abdureshit we xotun balliri, Wanglechüen we bashqa bashqa xitay emeldarlar bille olturup tamasha qilghan. Bu nomurning ismi "chegra rayonning hemmila yerige xitayning hemme yerini echiwetish aditini omumlashturimiz" bolup, XKP ning her tereptin qollap quwwetlishi arqisida Sherqiy Türkistandiki Qumul jilghiliridin Qeshqerning gherbi, Qaraqurum tagh étigidiki Tashqorghan nahiyisigiche, Altaydin Xotenning Niye bazarlirighiche xitay pahishe ayallarni orunlashturup bolduq, yeqin kelgüside Uyghur, Qazaq, Qirghiz, Özbek, Tajik qatarliq milletler milliy örp-adetliri we diniy etiqadliri we exlaqiy mizanliridin waz kéchip bizge oxshash qilche eymenmey pütün kiyimini selip sehnige chiqalaydighan, xalighan adem bilen xalighan ishni qilalaydighan xitayche alahidilikke ige "erkinlik we demokratiye" ni qobul qildurmaqchimiz we omumlashturmaqchimiz digen pilanni ashkarilashtin ibaret. (Ulugh Allah, kapirlarning bu süyiqestidin mezlum xelqingni qoghda, rehim qil, hidayet qil, gunahlirimizni meghpiret eyle! Ya Rabbim!)

  Yuquri soldiki resimde İsmayil Tiliwaldi Beijingdiki shapaetchiliridin "göher dangqan" sowghisi qobul qilghandin kéyin "Uyghur xelqining mehmandostluq we mertlik en'enisige asasen" dangqan'gha jawaben merkezge hazirlatqan sowghisi- Asma gilem. Gilem aldida qorchaq reis xuddi tengrige medhiye oqughandek beijing hökümiti we XKP ge medhiye oqumaqta. Ong tereptiki körünüsh bolsa Logen bashchiliqidiki merkez wekiller ömiki, wetinimizdiki qatil, xa'in, ghalchilar we aile teweliri Ürümchidiki héliqi "her millet" ertisler bilen chüshken xatire resimi. 

 30-sentebir Xitay kompartiyisi(XKP) merkizi komiteti wekiller ömikining bashliqi, merkizi komitet siyasi biyurusining daimi hey’iti, merkizi komitet siyasi qanun komitetining sekirtari Logen merkizi XKP merkizi komitetining hey’et ezasi, Uyghur aptonom rayonluq komitet sekirtari Wanglechüen, omaq ghalcha Ablet Abdureshit, wezipidiki ghalcha İsmayil Tiliwaldi qatarliq jallat we satqunlarning hemraliqida aptonom rayonluq jama’et xewpsizlik nazaritining muawin naziri, Uyghur wetenperwerlerni qanliq basturushta xizmet körsetken munapiq ghalcha Memetrozi Seperning ailisini ziyaret qilip uning’gha bundin keyin Uyghurlarni qilche ikkilenmey dawamliq qanliq basturush toghrisida yolyoruq we medet berdi. Nöwettiki qorchaq re’is İsmayil Tiliwaldi özining yalghuz emeslikini, bashqa ghalchilarningmu xitaygha masliship Uyghurlarni qanliq basturush we jimi mal-mülkini talan-taraj qilishta xizmet körsitiwatqanliqidin memnun bolghan halda tebessum bilen qarap qoydi. Ablet Abdureshitqu kona aditi boyiche ajayip xursen bolghan halda ikki chishliq éshekten hinggiyipla ketti. Wanglechüenni dimeyla qoyay, bundaq sepi özidin sadiq ghalchilarning hemkarliqi astida xitay millitining tajawuzchiliq, bulangchiliq, qirghinchiliq gherezlirining ongushluq kétip barghanliqidin tolimu pexirlinip olturatti.

Jallat ghalcha Memetrozi Seper Uyghur millitining en'enisi,exlaqi, milliy iradisi we musulmanlarning qanun-qaidilirige éghir derijide xilapliq qilghanliqi, munapiqliq jinayiti ötküziwatqanliqi ésidimu yoq, nazu nimetlerni düshmen’ge hazirlap xuddi beshigha dölet qushi qon’ghandek mest bolup ketken idi.

  Qorchaq re'is İsmayil Tiliwaldi düshmen wekiller ömiki jallat we ghalchilargha sowgha qilghan "milletler ittipaqliqi göher dangqini" aidida düshmen emeldari bilen xatire resimge chüshüwelishni untup qalmighan idi.

Qaraxan

2006-yili 10-ayning 1-küni

http://www.turkistanim.org

E-Mail: uyghur@turkistanim.org