Dangliq Naxshichi, Muzikant, Sha'ir Küresh Küsen Alemdin Ötti  

 Hörmetlik, Eziz Sherqiy Türkistanliq qérindashlar:

Essalamu Eleykum!

Küresh Küsen(1959.7.21-2006.10.29) Uyghur xelqining shija'etlik oghli, ot yürek shair, muzikant, talantliq naxshichi, kompozitor we pidakar inqilapchi Küresh Küsen 10-ayning 29-küni  kech saet 10da Shwètsiyidiki doxturxanida yürek késili tüpeylidin wapat boldi.  Küresh Küsenning tuyuqsiz wapatidin xewer tépip bek qayghurduq.

 Merhum hayat waqtida Uyghur xelqi, shundaqla pütün Sherqiy Türkistan xelqining azatliq küychisi süpiti bilen weten ichide, bolupmu chet'elge qéchip chiqqandin kéyin ottura asiya, Türkiye, Seudi Erebistan, Yawropa we Amerika qit'eside jarangliq awazi we weten söyer qelbi bilen Uyghur xelqining yürek sadasini küchining yétishiche xelqqe namayen qilip milyonlighan xelqimizning köngül töridin orun alghan idi.

Janabi Allahtin merhumning hayat waqtida bilip bilmey qilghan gunahlirini meghpiret qilishini, uning axiretlik ishlirigha xeyr we rehmet qilishini, axirette jennet ata qilishini tileymiz.

 Küresh Küsen Uyghur xelqi, shundaqlar Sherqiy Türkistan xelqining qelbide menggü yashaydu. Merhumning söyümlük anisi, xanimi, perzentliri we uruq-tughqanliridin semimi hal soraymiz we ulargha sebir tileymiz.

   Hörmet bilen:

"Türkistanim" tor bét guruppisi

2006-yili 10-ayning 30-küni

www.turkistanim.org

E-Mail: uyghur@turkistanim.org