Sherqiy Türkistan Maarip we Hemkarliq Jem'iyiti Milliy we Diniy Telim Terbiyini Qanat Yaydurdi

  2006-yili 5-ayda Türkiyening İstanbul shehride qurulghan Sherqiy Türkistan Maarip we Hemkarliq Jem'iyiti İstanbuldiki Sherqiy Türkistan köchmenliri we ularning perzentlirige milliy, en'eniwi terbiye we diniy telim terbiye bérish paaliyetlirini qanat yaydurdi.

  Sherqiy Türkistan Maarip we Hemkarliq Jem'iyitining ishxanisidin körünüshler.

  Sherqiy Türkistan Maarip we Hemkarliq Jem'iyiti qurulghandin keyin yazliq tetil mezgilide İstanbuldiki köchmenlerning perzentlirini teshkillep, mexsus derslik kitap hazirlap, Uyghurche élipbe, "dinimizni ögineyli" qatarliq milliy en'ene, örp-adet, diniy telim terbiye, exlaq terbiyisi we wetenperwerlik terbiyisini öz ichige alghan "Köngüldiki mehman", "Ayallarning jennettiki ehwali", "Kélinglar, Allahning söygü déngizigha shung'ghup kéteyli!", "Ramizandiki bir kün", "Zikriler" , "yaxshilarning baghchisi"(hedis) qatarliq kitap-qollanmilarni hazirlap Türkiyediki we etraptiki Sherqiy Türkistanliq muhajirlargha tarqitip qizghin alqishqa we qollashqa érishti. Bolupmu yash-ösmürler yazliq tetil we shenbe-yekshenbidiki dem élish waqitlirida jemiyet ishxanisida we jemiyet teripidin mexsus hazirlan'ghan köchmenler paaliyet öyide qerellik ders élishni dawamlashturup yaxshi ünüm hasil qildi. Barliq Sherqiy Türkistanliq muhajirlirining maarip jemiyitining xizmetlirini yéqindin qollishini hemde iqtisadiy we meniwiy jehettin yardem bérishini soraymiz.

  İstanbuldiki Sherqiy Türkistanliq köchmenlerning perzentliri en'eniwi milliy terbiye we diniy terbiye dersi almaqta.

 Yazliq tetildiki milliy eneniwi terbiye we diniy terbiye kursigha qatnashqan ösmürler insan hayatida intayin muhim bolghan sawat we ilimni qetirqinip ögenmekte.

  Yazliq tetildiki kursqa qatnashqan ösmürler qizlar guruppisi we oghullar guruppisigha ayrilip, ötülgen derslerni ögendi we wetenperwerlik terbiyisi, exlaq terbiyisi, namaz oqush qaidiliri, imanning mezmunliri, Uyghurche yéziq qatarliq ehmiyetlik bilimlerni élip imanliq, exlaqliq, yaramliq, wetenperwer Sherqiy Türkistanliq bolup yétiship chiqish üchün yaxshi asas turghuzdi.

  1949-yilning axirisida komunist xitay tajawuzchiliri wetinimizge tajawuz qilip kirgendin béri, xelqimizni imansizlashturush üchün qolidin kélidighan barliq rezil wastilarni ishqa sélip diniy alimlirimiz, diziy zatlirimiz, tarixchilirimiz, tilshunaslirimiz, edip-shairlirimizni, musulman xelqimizni rehizsizlerche basturup keldi. Samawiy kitabimiz mubarek "Qur'ni-kerim" ni qilche eymenmestin medeniyet inqilabida we undin kéyin köydüriwetishti.Yéqinqi yillarda bolsa gherp dunyasidiki "musulmanlargha qarshi éqim" din paydilinish üchün Sherqiy Türkistan musulmanlirigha "qanunsiz diniy unsur", "islamiy radikal unsur", "tajawuzchiliq we talan-tarajgha qarshi qurghan unsur"- digende töhmetlerni chaplap Tengri taghlirining jenup we shimalida tümenligen yashlirimizni, hetta qizlarni, ösmürlerni qolgha élip basturushni dawam qilmaqta.

  Sherqiy Türkistandiki xitay türmilirige qamalghan Uyghur yashlar ichide diniy terbiye alghan, imani kamil qérindashlirimizni xitay jallatlar insan qélipidin chiqqan eng wehshiy usullar bilen qiynap, ularni künige nechche qétim nimshehit qilip, nechche qétim soghuq su sépip tirildürüp yandiki kamirgha qamalghan Rabiye Qadir xanimgha oxshash "siyasiy mehbus" larni chöchütmekchi we niyitidin yénip xitaygha qul bolushqa, imandin waz kéchip kapir bolushqa qistimaqta. U qérindashlirimiz Sherqiy Türkistan xelqining eng munewwer oghlanliri bolup, qelbimiz töride meng'gü etiwarlinip yashaydu, Allah hozurida bolsa shahadetke érishidu. Biz Allah nésip qilsa türmidiki u qérindashlirimizni we Sherqiy Türkistan ichi-sirtidiki qérindashlirimizni qutquzush üchün kapir xitaylar bilen tighmu-tigh küresh qilimiz, jihat qilimiz, bizmu shahadetke érishimiz, insha Allah.

 Kapir xitaylar bizning mubarek dinimizgha haqaret qilip, düshmenlik qilip, bizni haram bilen halalni, heq bilen batilni ayriyalmaydighan we ayrimaydighan kapirlardin qilip terbiyilesh üchün pay-pétek bolghan iken, biz jan tikip ular bilen küresh qilishimiz, imaminizni saqlap qélishimiz we barghanséri mukemmelleshtürüp bérishimiz zörür. 

 Chet'ellerde, bolupmu gherptiki tereqqi qilghan ellerde yashawatqan qérindashlirimiz bu mesilige alahide diqqet qilishi, Allahqa asiyliq qilidighan söz-heriketlerdin saqlinishi, Qur'ani-Kerim we hedislerde körsitilgen heriket mizani boyiche turmush, xizmet we kündilik paaliyetlirini dawam qilip shereplik musulman, shereplik Sherqiy Türkistanliqlardin bolup mewjutluqini saqlishi lazim. Bashqa musulmanlargha özimizni sélishturup körginimizde biz wetini xitay kapirliri teripidin tajawuzgha uchrighan bir qewm, hemmimizge xitaygha qarshi jihat perz! Bizning yükimiz u gherp elliride yashwatqan xelqlerge oxshash köngül échishi rahet körüshni asas qilghan bu dunyadiki "yashash" pelsepisi üstige qurulmaslighi lazim. Allah bizge ata qilghan ten, jan, roh, mal-mülk, pul qatarliqlarning hemmisi amanet bolup, eger uni wetinimiz tupraqliri we asu tupraqta zulum chékiwatqan musulman xelqni azat qilish yolidiki jihatqa serp qilmaydikenmiz, u halal bolmaydu. U dunyada hésabini bérimiz we jazalinimiz.

 "Tapqan pulum manga tewe", "qandaq xejligim kelse shundaq xejleymen"-dep oylap qalmang. Kainattiki jimi mal-mülk birla Allahqa tewe, Allah peqet sizni sinash üchün ashu pulni we pursetlerni sizge bergen, eger jayida bir terep qilmisingiz axirette jazalinisiz. Sawapliq, xeyr-saxawet ishliri, téximu muhimi jihat üchün serp qilishimiz lazim.  

  Biz bala-chaqilirimizni shériyet hökmi boyiche imanliq, durus, rastchil, sadiq, teqwa, exlaqliq qilip terbiyilishimiz, gherp elliridiki "wujut körgezmisi", "resturan mestanisi", "ichimlik-chékimlik mestanisi" bolup kétishidin qattiq hezer eylishimiz lazim. Allah Sherqiy Türkistanliqlargha hidayet ata qilghaysen, toghra yolgha bashlighaysen, perzliringni toluq béja keltüridighan iman we purset ata qilghaysen, Amin!  Sherqiy Türkistan maarip we hemkarliq jemi'iyitidiki qérindashlirimizgha Allahtin ejir, ishlirigha utuq we xeyrler tileymiz.

Qaraxan 

2006-yili 12-ayning 3-küni

www.turkistanim.org