|
Dunya Uyghur Qurultiyining Re'isi Rabiye Xanimning Kanada Ziyariti(1)
2006-yili 12-ayning 12-küni.Kanada Uyghur Jemiyiti Xewiri.
Uyghurlarning meniwi
anisi, DUQ'ning reisi Rabiye
Xanim 12-ayning 8-künidin bashlap Kanada'diki ziyaritini resmi bashlidi.
DUQ Reisi muhtirem Rabiye
Xanim bashchiliqida,
DUQ bash Meslihetchisi hörmetlik Sidiq Haji Rozi, DUQ Ijra'iye komitét re'isi Alim Seytoff qatarliqlardin teshkil tapqan ziyaretchiler ömigi 12-ayning 8-künidin bashlap Kanada'gha qaratqan resmi ziyaritini bashlidi.
12-ayning 8-küni
chüshtin kéyin sa'et 13:25 te Rabiye Xanim olturghan Ayrupilan Kanada'ning Toronto shehrige
yetip kelgendin kéyin,
DUQ muawin reisi we Uyghur Kanada Jemiyiti re'isi Mehmet Tohti teripidin Ayridurumda gül chéchek bilen qarshi elindi.Qarshi elish murasimigha aldin ala orunlashturulghan CBC'ning Uyghurlar heqqidiki 1 sa'etlik höjjetlik film ishlewatqan mexsus muxpirlirimu qatnashti we pütün kütiwélish
paaliyitini filmge aldi.
DUQ Reisi möhtirem Rabiye
Xanim mexsus orunlashturulghan yataqqa orunlashqandin kiyin , Xitay türmiside heqsiz yetiwatqan hörmetlik Hüseyin Jelilning xanimi Kamile Xanimni öz öyide yoqlash üchün héch aram almastin derhal Ontario wilayitining Burlington shehrige bérip, Kamile Xanimdin hal soridi we balilirini yoqlidi.
Kamile Xanimni yoqlash
uchun yolda mangghach, aldin ala orunlashturulghan Kanada'diki eng chong gézit bolghan Globe and Mail'ning obzorchisi Omar El Akkad ependining ziyairitini qobul qildi.
Kamile Xanimni yoqlash
paaliyiti axirlashqandin
kiyin, shu kuni aqsham, Torontoda özini kütiwélish üchün teshkillen'gen Uyghur jamaiti bilen yüz körüshüsh üchün Toronto'diki Litwaniye Konsulxanisining zeligha toplanghan Uyghurlar bilen yüz körüshüp,
ularning dert ehwalini anglidi we jamaetke muhim söz qildi.
Toronto'diki qerindashlar
Rabiye Xanimni kütiwélish üchün alahide teyyarliq qilghan bolup, Toronto etrapida yashaydighan köpligen qérindashlar bu paaliyetke ishtirak qildi.
12-ayning 9-küni
Xelqara kechürüm teshkilati Toronto shöbisi teripidin Rabiye Xanim üchün alahide orunlashturghan kütiwélish paaliyitge qatnashti we CBC téliwiziye muxpirining neq meydandiki ziyaritini qobul qildi.
Rabiye Xanimning
ziyariti bashlanghan künidin étibaren Kanada'diki chong gezit we téliwiziye
qanalliri rabiye Xanimning bu qetimqi ziyaritige nahayti köp ehmiyet berdi we mexsus
xewer tarqatti.
12-ayning 10-küni
Xelqara Kishilik hoquq küni munasiwiti bilen, Xitay'ning Toronto'diki bash konsulxanisi aldida Kanada'diki ammiwi teshkilatlardin Uyghur Kanada
jemiyiti, Kanada Tibet komititi,
Xelqara kechurum teshkilati we bashqa organlar teripidin
birlikte orunlashturulghan chong
kölemlik naraziliq namayisigha hem sherep méhmini we asasliq sözligüchi bolup qatniship, namayishqa qatnashqanlarning alahide qarshi elishigha sazawer boldi. Namayish jeryanida köpligen téliwiziye muxpirliri Rabiye Xanim bilen söhbet elip berish üchün bir biridin nöwet talashti.
Toronto'da orunlashturulghan paaliyet axirlashqandin kiyin, Ottawa'diki hökümet we Parlamént ezaliri bilen bolidighan uchrushush programmiliri üchün 12-ayning 10-küni Rabiye Xanim bashchilliqidiki DUQ hey'iti Ottawa'gha qarap yolgha chiqti. Rabiye Xanim 12-ayning 11-küni Ottawa'diki 1-paaliyitini
Kanada parlaméntida ötküzgen
Muhpirlarni kütiwélish programmisi bilen bashlidi.
Bu qetimqi axbarat
yighinigha Kanada'diki
12 televizye istansisining
muxpirliri qatnashqan bolup, bu qetimqi axbarat yighinida Hüseyin Jelilning mesilisi we Rabiya Xanimning
balilirining mesilisi bash tima süpitide
noqtiliq tutuldi. Bu qetimqi Muxpirlarni kutiwilish yeghini Kanada'diki CPAC teleqiziye istansisis teripidin neq meydandin xewer qelindi we arqidinla, CPAC teliwiziye istansisisining studiyosida Rabiya xanim üchün mexsus 15 minutluq söhbet programmisi berildi.
Bu küni yene, DUQ re'isi
hörmetlik Rabiye Xanim, Kanada Xelqara tereqqiyat agentliqining Asiya ishliri direktori hörmetlik Jeff Nankivell ependi bashchilliqidiki 4 neper yuquri derijilik CIDA rehbirini qobul qilip körüshti. Bir saet planlan'ghan körüshüsh 2 sa'etke yéqin dawam qildi. CIDA rehberliri bilen bolghan körüshüsh, muzakire qilinghan sezgur mesililer sewebidin xewer süpitide jamaetke ashkarilanmidi.
12-ayning 11-küni
kech saet 5-7 arisida Xelqara kechurum teshkilati bash katiwi hörmetlik Alex Neve ependi
DUQ Reisi Rabiye Xanim sheripige kütiwélish ziyapiti berdi.
Rabiye Xanimning
Ottawa'diki barliq paaliyetliri Kanada'ning
döletlik téliwiziyesi bolghan
CBC hojjetlik film ishlesh
guruppisining ikki neper muxpirir teripidin toluq filmge elindi.
Rabiye Xanimning 12-ayning 12-küni, yeni Sherqiy Türkistan Yashliri küni bolghan bu uluq kündiki paaliyiti töwendiki küntertiplerdin teshkil tapidu.
12-ayning 12-kuni ettigen Saet 9-10 arisida Kanada Tashqiy Ishlar Ministirlikidiki yuquri derijilik erbaplar
bilen bir saet korushidu.
ettigen saet 10-11 arisida Kanada Bash Ministirining Parlaminttiki bash katiwi hörmetlik Jason Kenney ilen söhbette bolghandin kiyin, Jason Kenney ependi teripidin Parlamint Ispat Berish yeghin zaligha bashlap kerilidu.
Uyghurlar heqqidiki
ispat berish yeghinidin
kiyin, Bash Ministirliqtiki yuquri derijilik emeldarlar Kanada Parlamintida Rabiye Xanim sheripige ziyapet beridu.
Ziyapettin kiyin DUQ
Reisi Rabiya Xanim
Kanada Parlamintidiki Hakimiyet beshidiki partiye millet wekilliri
bilen öktichiler arisidiki
kündilik mesililerge
dair elip berilidighan soal-soraq jeryanini Sherep méhmini süpitide közdin köchüridu we Parlaménttiki Kanada Bash ministiri Janabi Stephen Harper'ni Öz ichige alghan barliq milletwekilliri teripidin ore turup salamlinidu.
Chüshtin kéyin bolsa
Kanada tashqiy ishlar Ministirlikidiki yuquri derijilik erbaplardin teshkillengen 5 kishilik hey'et bilen DUQ ziyaret ömigi
Uyghurlar mesilisi heqqide konkiritni muzakiride bolidu. ikki terep hey'etliri arisida bolidighan muzakire mezmunliri sezgür mesililerge chitilghini üchün yene ashkarilanmidi.
12-ayning 12-kuni kech saet 6-8 arsida bolsa Kanada Parlamintida
Rabiye Xanim sheripige mexsus kütiwélish ziyapeti orunlashturilidu. Mezkur kütiwilish
paaliyitge Janabi Jason Kenney riyasetchilik qilidu.
Seper munasiwiti
bilen we Rabiya Xanimning nahayti zich orunlashturulghan programmisi sewebidin, qerindashlirimni Rabiya Xanimning Kanada'diki ziyariti heqqide waqtida melumatliq qilalmighan bolsaq semimiylik bilen özür tileymiz.
Uyghur Kanada Jemiyiti
2006-yili 12-ayning 12-küni
|
