Dunya Uyghur Qurultiyining Re'isi Rabiye Xanimning Kanada Ziyariti(2)

 2006-yili 12-ayning 13-küni.Kanada Uyghur Jemiyiti Xewiri.
Her yili 12-ayning 12-kuni Sherqiy Turkistanliq uchun alahide ehmiyetke ige bir kun. Bu künni Sherqiy Türkistan xelqi Yashlar küni dep xatirlep kelginige 21- yil boldi. DUQ Reisi Rabiya Xanim'ning bu qetimqi Kanada ziyariti üchün orunlashturulghan eng yuquri derijilik paaliyetler del mana bu yashlar künige orunlashturulghanliqi bu yashlar Bayrimining weten ichi we sirtida hergiz untulmaydighanliqini we DUQ teripidin xatirlinidighanliqini körsitidu.

12-ayning 12-küni ettigen saet 9,00 da Rabiye Xanim bashchilliqidiki DUQ ziyaret hey'iti Kanada Tashqiy Ishlar Ministirining bash meslehetchisi hörmetlik Peter Van Praag ependi bilen körüshti.1 saet dawamlashqan körüshüshte Kanada'ning Uyghur dawasigha we Kanada'ning Uyghurlargha qandaq yardem berishi heqqide konkiritni muzakireler boyiche elip berildi.
Peter Van Praagh ependining ayalining Azerbayjanliq ikenlikini, Uyghurlarni we Uyghur tilini chushunidighanliqini eytishi bilen resmi shekilde elip beriliwatqan sohbet nahayti qizghin keypiyat echide qerindashliq hawasi ichide dawam qildi.
korushushtiki muzakire qelinghan temilar bezi sezgur mezmunlargha taqalghini uchun bu yerde tilgha elinmidi.
12-ayning 12-kuni saet 11 bilen, DUQ Reisi Rabiya Xanim bashchilliqidiki hey'et Kanada Parlamintigha kerip, mehsus teyyarlanghan zalda Uyghurlar heqqide otkuzulgen tunji qetimliq ispat berish yeghinigha qatnashti.

Ispat Berish Yeghinini Kanada Bash Ministerining Parlaiminttiki Bash Katiwi janabi Jason Kenney ependi bashqurdi.
bu qetimqi Ispat berish yeghinigha Hakimiyet beshidiki Konsirwatiwlar (En-enichiler)Partiyesi milletwekilliri, Libiral Partiye milletwekili we Sabiq Edliye ministiri janabi Irwin Cotler qatarliq Libiral milletwekilliridin bashqa yene Yengi demokrat Partiye milletwekilliri, Partiye Quebec qatarliq bashqa oktichi partiye milletwekilliridin bolup 13 milletwekili ishtirak qildi.
  Ispat berish yeghinida DUQ reisi muhtirem Rabiya Kadir xanim teripidin berilgen Sherqiy Turkistanliq Uyghurlarning hazirqi ehwali heqqiqiki ispatname barliq milletwekilliri we Parlamint Kishilik hoquq komititi teripidin nahayti yuquri bahalandi.
  ispat berish yeghinida Uyghurlarning hazirqi weziyitidin bashqa Xitay turmiside yetiwatqan Kanada puqrasi Huseyin Celil'ni qutquzush uchun besilidighan konkiritni qedemler bir birlep muzakire qelindi.
  Rabiye Xanimdin bashqa yene DUQ Muawin reisi Memet Toxti'mu ispat berip ötti.
  12-ayning 12-kuni saet 1.00 de Bash Ministirning Parlaiminttiki bash katiwi janabi Jason Kenney we Tashqiy Ishlar Ministirining Parlamttiki bash Katiwi janabi Obhrai ependi teripidin Parlamint'ta Rabiya Xanim sheripige ziyapet berdi. Ziyapet dostane keypiyatta ötüsh bilen, Uyghurlar mesilisini qandaq qelip Kanada tashqiy ishlar siyasitining muhim terkiwige aylandurush heqqide konkirtni témilar boyiche muzakire elip berildi.
 12-ayning 12-kuni saet 2.00 de DUQ reisi Rabiya Xanim bashchilliqidiki DUQ hey'iti Kanada Parlamintigha sherep méhmini süpitide teklip qilinip sherep sehnisidin orun berildi.
  Sa'et 14:05 te Konsirwatiw Partiyesi milletwekili hörmetlik Mike Wallice ependi teripidin Rabiya Xanimning Kanada'gha qaratqan ziyariti heqqide 2 minutluq melumat berilgendin kiyin Kanada Bash ministirini öz ichige alghan pütün millet wekillirige Rabiya Xanimni qisqiche tonushturup ötti.
Mike Wallice ependining tonushturushi axirlashqandin kiyin, Kanada parlamintidiki barliq millet wekilliri öre turup Rabiya Xanimni uzunghiche alqishlidi we hörmet bildürdi.
  Bash Minister Stepehn Harper we tashqiy ishlar ministiri janabi Peter MacKay qatarliq Kanada höküumitining yuquri derijilik emeldarliri Rabiya Xanim olturghan sherep sehnisige yüzlinip Rabiya Xanimgha qarap külümsirep özlirining alahide hörmitini we salamini ipadilidi.
  12-ayning 12-küni saet 15.25 te, DUQ reisi Rabiye Xanim, DUQ Muawin reisi Mehmet Toxti we DUQ Ijraiye reisi Alim Seytoff qatarliq DUQ hey'iti, Bash Minister Stephen Harperning alahide méhmanlarni kütiwalidighan ayrim ishxanisigha teklip qelindi we Kanada Bash Ministiri Stephen Harper ependi teridpin 10 minut qobul qilindi.
  Rabiya Xanimni Bash Ministir Janabi Stephen Harper'gha hörmetlik Jason Kenney ependi tonushturup ötti. DUQ Reisi hormetlik Rabiya Xanim Janabi Bash Ministir Stephen Harper'gha Uyghur doppisi teqdim qildi we muhpirlargha bille poz berdi.
  Körüshüshte Kanada'ning xitaydiki kishilik hoquq mesilisge qattiq turghanliqi munasiwiti bilen pütün Sherqiy Turkistanliqlarning yürikidiki memnuniyiti yetküzülgendin kéiyin, Xitay türmisidiki Hüseyin Jelil we Rabiye Xanimning perzentliri heqqide melumat berildi we pikir almashturuldi.
  Janabiy Stephen Harper'ning DUQ Muawin reisi Mehmet Toxti'ni yeqinda yene qayta uchrushush üchün teklip qilghanliqi Rabiya Xanim bashliq DUQ hey'itini yene söyündürdi.
 12-ayning 12-kuni saet 16 din 17 giche, DUQ hey'iti yene Kanada tashqiy ishlar Ministirliki Xitay Diviziyesi we Kishilik hoquq diviziyesi mesulliridin terkip tapqan 5 neper yuquri derijilik emeldar bilen korushti. 1 saet planlanghan korushush 1 yerim saet dawamlashti. Bu uchrushush Kanada'ning Uyghurlargha qandaq yardem birelishi heqqidiki konkiritni mesililer ustide elip berildi. Tepsili mezmunliri bezi sezgür mesililer sewebidin ashkarilanmidi.

12-ayning 12-kuni saet 6'din 8'giche, DUQ reisi Rabiya Xanim Kanada parlamintida ozi uchun berilgen kutiwilish ziyapitige qatnashti.
bu qetimqi kutiwilish paaliyitige Hormetlik Jason Kenney ependi riyasetchilik qildi.Bu qetimqi kütiwilish paaliyitige köp sanliq millet wekiliridin bashqa NDP (Yengi demokrat Partiyesi)ning Reis Muawini Janabi Bill Blaike ependi we Uyghurlarning dosti, Sabiq dölet Katibi Janabi David Kilgourlar qatnashti.

  12-ayning 12-künidiki bu kütiwélishtin kéyin, DUQ Reisi rabiye Xanim üchün Ottawa'da békitilgen programmilar ghelibilik tamamlinip, Montreal'diki paaliyetliri üchün DUQ bash Meslehetchisi Siddiq Haji Rozi ependi, DUQ Ijraiye reisi Alim Seytoff'lar hemraliqida Montreal'gha yürüp ketti.
  Rabiya Xanim üchün teyyarlan'ghan barliq programmilar Uyghur Kanada Jemiyiti teripidin orunlashturlghan bolup, programmilarning chiqimini Kanada'diki wetenperwer qerindashlirimiz yardem qilghan, yardem qolini sozghan barliq qerindashlargha alahide rehmitimizni bildürimiz.
 

Hörmet bilen:

Uyghur Kanada Jemiyiti 

2006-yili 12-ayning 13-küni