Sherqiy Türkistan Maarip we Hemkarliq Jemiyiti Qurban Héytni Tebriklesh Paaliyiti Ötküzdi

  2007-yili 1-ayning 1-küni, İstanbuldiki Sherqiy Türkistanliq muhajirlar Sherqiy Türkistan Maarip we Hemkarliq Jemiyitige yighilip qurban héyt munasiwiti bilen tebriklesh paaliyiti ötküzdi.

İstanbul Fatih Findikzadediki merkizi yol boyigha jaylashqan Sherqiy Türkistan maarip we hemkalir jemiyitidin bir körünüsh.

  Sherqiy Türkistan Maarip we Hemkarliq Jem'iyiti İstanbuldiki Sultan Ahmet jamesi we "qapali charshi" dep atilidighan mehshur xelq'ara bazardin Atatürk ayrudurumigha mangidighan aptomobil we tramway qatnaydighan merkizi yol boyidiki olturaq binaning 4-we 5-qewitini ijare élip 2006-yili 5-ayning 24-küni resmiy qurulup paaliyetlirini bashlighan idi.

  2007-yili 1-ayning 1-küni, yeni qurban héytning 2-küni Sherqiy Türkistan maarip jemiyitining qurghuchiliri we İstanbuldiki köchmenler jemiyetke jem bolup qurban heyt petisi qilishti we shéhitlirimizning rohigha atap qur'an oqudi, Sherqiy Türkistan xelqining zulumdin qutulup hörlükke chiqishi üchün dua qildi.

   Sherqiy Türkistan Maarip we Hemkarliq Jemiyiti qurulghan alte aydin béri türlük qiyinchiliqlarni yéngip tiriship xizmet qilip keldi. Sherqiy Türkistanliqlarning telim-terbiye we hemkarliq ishlirini kücheytish, muhajirlarning oqush, ishqa orunlishish, turmush qiyinchiliqlirini hel qilish üchün qolayliq yaritip bérish, Türkistanliq yash-ösmürlerni we chonglarni terbiyilesh, diniy, milliy medeniyet heqqidiki oqushluqlarni hazirlash we neshir qilish, tarqitish, Türkistanliq muhajirlargha wetenperwerlik terbiyisi, exlaq terbiyisi, diniy telim terbiye élip bérip deslepki qedemde yaxshi ijtimai ünümge érishti. Alte aydin béri kitap, jornal, teshwiqat waraqliri bolup xéli köp matiriyal tarqatti. İnternet tor béti yasap telim-terbiye we teshwiqatni kücheytti. Maarip we hemkarliq jem'iyitining rolini téximu toluq jari qildurup Sherqiy Türkistanliqlarning maarip ishlirini toghra yolgha kirgüzüsh we weten-millet üchün yaramliq ewladlarni yétishtürüsh üchün  4- we 5-qewetni öz ichige alghan 200 kuwadrat métirliq ishxanini 120 ming dollargha sétiwaldi. Bügün Sherqiy Türkistanliqlargha qurban héytni we Sherqiy Türkistan üchün xizmet qilidighan yéngi ishxanini tebriklesh nésip boldi.  Elhemdulillah.

   Maarip we Hemkarliq Jemiyiti - İstanbulning Findikzade-Chapa arisida  aptomobil, tramway mangidighan, qatnishi bek qolayliq, her küni nechche tümen Türk we chetellik ötüp turidighan "Milliyet Yoli"  boyidiki kün'gey binagha jaylashqan bolup, jemiyetning qurulushi we mexsus ishxanigha ige bolushi -  Sherqiy Türkistan mesilisini keng kölemde teshwiq qilish, milliy maarip we medeniyet  ishlirini rawajlandurush, öz-ara hemkarliqni kücheytish jehetlerde muhim tarixiy ehmiyetke ige.

 Sherqiy Türkistan Maarip we Hemkarliq Jemiyiti Sherqiy Türkistanliq muhajirlar we teshkilatlarning, Türk dunyasi we musulman dunyasining semimi hemkarlishishini we zörüri yardemlerni bérishini ümid qilidu.

www.turkistanim.org

E-Mail: uyghur@turkistanim.org